حريق كبير شعل مساء السبت فواحد السوق اللي كايتباعو فيه الملابس المستعملة، المعروف بجوطية ابن عباد، اللي كاين فالدائرة الحضرية المعمورة فالقنيطرة.
وفور ما توصلات السلطات المحلية والأمنية والخدمات ديال الوقاية المدنية الخبر، تحركات مباشرة للمكان ديال الحادث باش يباشرو عمليات الإطفاء، فرق التدخل قدرو يحصرو النيران،و فالحصيلة الأولية، الحريق دمر حوالي 134 محل (براكة) فالسوق.
وفنفس الوقت، السلطات المعنية فتحات تحقيق تحت إشراف النيابة العامة المختصة، باش يتعرفو على كافة الظروف والملابسات اللي كانت ورا هاد الحادث.
