المغرب جا فالمركز الثاني عالميا من بين الشعوب اللي كثروا عليهم فاستعمال الذكاء الاصطناعي، خصوصا “ChatGPT”.
النسبة ديال المغاربة اللي كايستعملوا الذكاء الاصطناعي وصلات لـ 38 فالمية من المستخدمين اللي شاركوا فواحد الاستطلاع، هاد الشي حسب نتائج “مؤشر ثقة المستهلكين لعام 2023” اللي دارته مؤسسة “بوسطن” الاستشارية.
المغرب سبق بزاف الدول بحال كوريا الجنوبية، وأمريكا، واليابان، والصين، فهاد الميدان، أما الهند، راهيا جات اللولة بنسبة 45%.
التقرير كيقول أن التكنولوجيا المتطورة كاتنتشر بشكل كبير فالمغرب، وهذا كيبين أن المغاربة كيتوجهوا بزاف نحو استعمال تقنيات الذكاء الاصطناعي والاستفادة منها فحياتهم اليومية.
من جهة أخرى، جنوب أفريقيا سجلات 31 فالمية، والفلبين 28 فالمية، بينما الولايات المتحدة، وأستراليا، والمملكة المتحدة بقاو فالنسب ضعيفة تتراوح بين 22 و23 فالمية.
الذكاء الاصطناعي “ChatGPT” كايستعمل بزاف لمساعدة الناس فمجموعة من الأعمال، خصوصا فمجالات بحال تركيب الصور، التعليم، والخدمات المهنية الرقمية، كاع الشركات كايدخلوا هاد التقنية باش يحسنوا خدمات العملاء ويزيدوا فالكفاءة ديال العمل، حتى الباحثين والمتخصصين كيلجؤوا ليه باش يترجموا تقارير ودراسات مكتوبة بلغات أجنبية.
