واحد الطفل عندو ثمن سنين توفى البارح الثلاثاء غرقان فواد أدودو اللي تابع لجماعة الركادة فإقليم تزنيت.
وحسب مصادر إعلامية، الولد مشى لهاد الواد باش يسبح مع جوج ديال صحابو، ولكن للأسف تعرض للغرق، العائلة ديالو بقاو يقلبو عليه بعدما غاب من الدار من الصباح، ولقاوه مواطنين جثة هامدة بعد عملية تمشيط واسعة فديك المنطقة.
هاد الواقعة اللي خلفات حزن كبير فالأوساط المحلية ديال أولاد جرار، خلات رجال الدرك الملكي والسلطات المحلية يجيو لواد أدودو باش ينقلو الجثة ديالو لمستودع الأموات فمستشفى تزنيت، ويديرو الإجراءات اللازمة فحالات بحال هادي.
