حادثة سير وقعات نهار الخميس الماضي فإقليم الصويرة، خلات السلطات المحلية والدرك الملكي يكتاشفو كمية كبيرة من المخدرات.
وحسب المصادر المحلية، الحادث وقع بعدما تقلبات شاحنة كبيرة على مشارف دوار أبارو فالجماعة ديال أوناغة، بعدما وقع الحادث، لقات السلطات المحلية أن الشاحنة كانت محملة بحوالي 242 رزمة ديال مخدر الشيرا.
المصادر نفسها قالت أن المصالح المحلية جابو جميع العناصر ديالهم للمكان باش يحجزو المخدرات ويكتاشفو هويات أصحابها، السائق والمرافقين ديالو هربو من المكان بعد الحادث.
