مهدي الزوات و هو رئيس نادي الوداد الرياضي لكرة اليد، ومحمد طلال، الناطق الرسمي لنادي الوداد، دخلو فالنقاش الحاد اللي وقع مؤخرا بين الوداد و الرجاء بخصوص “تحريف” شعار الوداد وحذف نجمة من الشعار الرسمي ديالو بصفحة النادي الرجاوي.
الزوات وجه رسالة لعادل هالا، رئيس فريق الرجاء الرياضي لكرة القدم، من بعد خرجة الأخير فواحد البرنامج الإذاعي، و اللي قال فيه بأن تحريف اللوغوا ناتج على أن الفريق الأخضر ما توصلش بالشعارات الرسمية ديال الأندية من الجامعة الملكية أو العصبة الوطنية لكرة القدم الاحترافية، باش يخدمو بيها. هادشي اللي خلى هشام أيت منا، رئيس المكتب المديري للوداد الرياضي، يقدم شكاية عند لجنة الأخلاقيات التابعة لجامعة الكرة.
الزوات قال فخطابوا لعادل هالا: “دويتو فإذاعة راديو مارس فإطار الحملة التواصلية اللي دايرينها بسبب الهجمة اللي كتتعرضو ليها من طرف صفحات جمهور فريقكم فمواقع التواصل الاجتماعي، وفالنقاش اللي كان خلال هاد المدة، سولوك على اللوغوا اللي تنشر على صفحتكم الرسمية بخصوص تعديل شعار نادي الوداد الرياضي اللي كان فالبداية صحيح (بنجمتين)، ومن بعد قام الفريق التواصلي ديالكم بتعديله باش يبقى فيه نجمة وحدة. وجاوبتو بعذر أقبح من ذنب.
