صور متداولة على فايسبوك بينات تقدم كبير فاشغال بناء المحطة البحرية الجديدة بالناظور. المشروع هاد تكلفته الإجمالية كتقدر بحوالي 162 مليون درهم.
المشروع كيسعى لإعادة تهيئة المحطة البحرية ومحيطها فميناء بني أنصار، وزيادة القدرة الاستيعابية للمحطة باش تستقبل عدد أكبر من المسافرين، وتوسيع فضاء المراقبة الحدودية للسيارات والمسافرين.
المحطة البحرية الجديدة غادي تبدأ تستقبل المغاربة المقيمين بالخارج هاد السنة، والأشغال خصها تكمل قبل 31 ماي 2024.
في ماي اللي فات، جمال الشعراني، عامل إقليم الناظور، زار جماعة بني أنصار لمتابعة سير الأشغال فالمحطة البحرية الجديدة. هاد الزيارة جت ضمن البرنامج الاستثماري للوكالة الوطنية للموانئ، اللي كيهدف لتنمية وتحديث الموانئ الوطنية ورفع جودة الخدمات.
