فاجعة كانت فدوار آيت هكو بجماعة آين احكيم آيت زايد التابعة لإقليم الحوز، أول أمس الجمعة، بعدما ماتت بنت صغيرة بسبب لدغة ديال أفعى.
وحسب مصادر محلية، فالطفلة لي عندها 12 عام لدغتها أفعى فدارهم، وداتها أسرتها لأقرب مركز صحي وتما قدمت ليها ممرضة الإسعافات بحقنة ورجعوها للدار ولكن الوضع الصحي ديالها متحسنش وتزاد سوءا، وهادشي لي خلاهم نقوها لمستشفى جماعة التوامة.
ملي فحصها الطبيب ديال المستشفى تبين ليه أن السم ديال الأفعى نتاشر فالجسد ديالها كلو والتأخر فتلقي العلاج تسبب فتدهور الوضع الصحي ديالها، وهادشي لي خلاها تموت.
