البحر ديال “رأس فالكون” فمدينة وهران الجزائرية لاح البارح الأربعاء فالعشية، جثة وصلات لمراحل متقدمة من التحلل، وهاد الجثة لي من المرجح أنها ديال لاعب من لعابة ديال اتحاد طنجة لي كانو غرقو فالبحر فشهر يوليوز لي فات.
وكانت تقارير إعلامية قالت أن السلطات الجزائرية نتاشلت جثة من شاطئء “رأس فالكون” فوهران، كما نتاشر فيديو على مواقع التواصل الاجتماعي كيبين اللحظة لي تلقات فيها الجثة وهي متحللة، ومازال مولاها لابس شورت بحال لي كان لابسو عبداللطيف أخريف، لاعب اتحاد طنجة ملي غرق فالبحر.
وكان جوج لعابة ديال اتحاد طنجة غرقو فشاطئ “ريستنكَا” التابع ترابيا لعمالة المضيق الفنيدق، فشهر يوليوز لي فات، ملي كانو على يخت صغير فخرجة ترفيهية.
