أنظار المغاربة غادي تاجه اليوم الأربعاء فالعشية، لملعب فرنسا لي غادي يتلعب فيه نهائي سباق 3000 متر موانع، لي غادي يشارك فيه البطل العالمي والأولمبي المغربي سفيان البقالي والمواطن ديالو محمد تيندوفت.
آمال المغاربة معلقة على البقالي وتندوفت باش يجيبو للمغرب ميدالية ذهبية يدخل بها قائمة الدول لي فازت بميداليات فهاد التظاهرة الرياضية العالمية واخا السباق مغاديش يكون ساهل لأن كاين أبطال واعرين من كينيا وإثيوبيا.
وكان سفيان البقالي تأهل للفينال بسهولة بعدما تصدر السباق ديال السلسلة الأولى بتوقيت 8 د و17 ث و90 ج.م، أما محمد تيندوفت فربح سباق السلسلة الثانية، بتوقيت 8 د و10 ث و62 ج.م.
وللإشارة، فالسباق ديال 3000 متر موانع الحاسم غادي يبدا مع الثامنة و 43 دقيقة مساء بالتوقيت المغربي.
