غرفة الجنايات الابتدائية بمحكمة الاستئناف فمدينة فاس حكمت اليوم الأربعاء، على مدير ثانوية التقدم بعين الشقف بإقليم مولاي يعقوب بالحبس النافذ بعدما بان فواحد الفيديو كيتحرش بتلميذة عندو فالثانوية.
وحسب مصادر صحفية، فالمحكمة حكمت ابتدائيا وحضوريا
على هاد المدير بالسجن النافذ خمس سنوات وغرامة مالية قدرها 10000 درهم، بعدما تابعاتو بجناية “هتك عرض قاصر بالعنف ممن له سلطة عليها”.
وسبق للجدارمية شدو مدير ثانوية التقدم بجماعة عين الشقف، التابعة لمديرية مولاي يعقوب، فشعر أبريل لي فات، بعدما صدرات النيابة العامة المختصة مذكرة بحث وطنية في حقو وغلقت الحدود عليه، بعدما غبر ومبقاش بان ملي نتاشر الفيديو لي كيبان فيه كيتحرش بالتلميذة فالمكتب الإداري ديالو.
