محكمة الاستئناف فالجديدة ضربات مشعوذ قتل صاحبتو وحرق الجثة ديالها بالمؤبد

غرفة الجنايات الاستئنافية لدى محكمة الاستئناف بالجديدة حكمت على المشعوذ لي قتل العشيقة ديالو وحرق الحثة ديالها بالمؤبد.
وبهاد الحكم كتكون محكمة الاستئناف ديال الجديدة أيدت الحكم الابتدائي لي سبق وتحكم بيه هاد المشعودذ.
وكان هاد المشعوذ وبالضبط فشهر دجنبر من العام لي فات، قتل العشيقة ديالو ولاح الجثة ديالها فالخلا فجماعة الحوزية وشعل فيها العافية باش يطمس معالم الجريمة، وهادشي لي كان دار حالة استنفار عند الدرك الملكي لي قدر بالزربة يوصل لمول الفعلة.
هاد القاتل لي عندو 46 عام، متابع بجناية القتل العمد مع سبق الإصرار والترصد، باستعمال أعمال وحشية والتمثيل بجثة، بارتكاب أعمال وحشية، عليها الضرب والجرح، والتقاط صور دون موافقة في مكان خاص، واحتراف التكهن والشعوذة والنصب، وعدم تقديم وثيقة التأمين”.