عناصر الشرطة بالأمن الإقليمي بسلا شدو البارح الثلاثاء 06 غشت الجاري، شاب فعمرو 24 عام وعندو سوابق كثيرة، بعدما تورط فضرب وجرح وموت مقرون بالسرقة.
المعطيات الخاصة بالبحث كشفت أن هاد الشخص تخاصم مع الضحية فنص الليل ديال نهار الإثنين لخر بحي “الشيخ المفضل” فسلا، بسبب نزاعات شخصية سابقة بينهم، وطور الخلاف وناض ضرب الضحية وجرحو بموس وهو يموت ومن بعد سرق ليه التلفون وهرب.
الأبحاث والتحريات وصلات البوليس للقاتل ومن بعد شدوه فدار فنفس الحي بعد وقت قصير من ارتكاب الجريمة.
وتم وضع المشتبه فيه تحت تدبير الحراسة النظرية على خلفية البحث لي كاين تحت إشراف النيابة العامة المختصة، لمعرفة ظروف وملابسات الجريمة.
