البطلة المغربية فالتايكوندو أميمة البوشتي تأهلت لثمن النهائي فالأولمبياد

البطلة المغربية في رياضة التايكوندو أميمة البوشتي تأهلات لدور ثمن النهائي من منافسات وزن أقل من 49 كلغ، ضمن منافسات الألعاب الأولمبية “باريس 2024”.
وتأهلات البوشتي بعدما ربحات آنا داكوستا داسيلفا بينتو من جمهورية تيمور الشرقية بنتيجة 6 مقابل 2، باش تكمل المغامرة ديالها فالأولمبياد وتنافس على شي ميدالية.
وغادي تلعب البوشتي ثمن النهائي اليوم فالعسية على الساعة التاسعة و 45 دقيقة.
وكيمثل المغرب في رياضة التايكواندو فاولمبياد باريس أميمة البوشتي، وفاطمة الزهراء أبو فراس.