كشف الملف اللي قدمو المغرب مع إسبانيا والبرتغال باش يستاضفو كأس العالم 2030، على أن الحسيمة غتكون وحدة من المدن اللي غتنظم فعاليات كأس العالم.
الملف كيضم فندق Radisson Blu Resort فالحسيمة اللي كاين فجماعة أجدير، فإقليم الحسيمة، باش يوايو المشاركين. الفندق فيه 432 غرفة و4 قاعات للاجتماعات، وكايبعد على مطار الشريف الإدريسي بحوالي 9 كيلومتر.
ختارو حتى ملعب آيت قمرة الجديد باش يكون مكان للتداريب ديال المشاركين ففعاليات كأس العالم 2030.
تجدر الإشارة باللي الحسيمة تزادت فيها قرية رياضية ضمن المشروع الملكي الكبير “الحسيمة منارة المتوسط”.
