هيرفي رونار مبقاش مدرب للمنتخب الفرنسي ديال البنات ومحتمل بزاف يرجع يدرب فإفريقيا

الاتحاد الفرنسي لكرة القدم علن، اليوم الثلاثاء، عن رحيل مدرب منتخب فرنسا للسيدات هيرفي رونار بشكل رسمي.
وكتب المنتخب الفرنسي ديال البنات فحساباتو على مواقع التواصل الاجتماعي، أنه بعد أيام قليلة على فشل جديد ممهضومش فربع نهائي الألعاب الأولمبية فبلادو، المدرب هيرفي رونار مبقاش مدرب ديال منتخب فرنسا ديال البنات.
وكان رونار لي قاد المنتخب الفرنسي في 26 ماتش ربح 17 وتعادل 3 وخسر 7 المرات، سبق ليه تقصا من ربع نهائي كأس العالم الصيف الماضي، والإقصاء فالألعاب الأولمبية من نفس الدور السبت لي فات مع البرازيل وخسر فينال دوري الأمم مع إسبانيا بجوج لزيرو.
وممعروفش فين غادي يمشي رونار واخا بزاف كيگولو غادي يرجع يدرب فإفريقيا كيفما سبق وگال هو بنفسو.