بعد الماتشات الواعرين لي لعبهم فالألعاب الأولمبية فباريس، نادي توتنهام الإنجليزي بغا يشري الدولي المغربي أمير ريتشاردسون حسل ما قالت وسائل إعلام فرنسية.
موقع “فوت ميركاتو” أكد أن ريتشاردسون لي عندو 22 عام، وكيلعب فوسط التيران ولاعب مهم فتشكيلة المنتخب المغربي فالأولمبياد، مهتم بيه بزاف نادي توتنهام.
وكيقول نفس الموقع أن توتنهام تابع مزيان ريتشاردسون فالماتشات لخرين وحط سميتو فقائمة اللاعبين لي باغي يجيبهم فوسط التيران.
وبحسب مجلة “أونز مونديال”، فاللاعب المغربي بين على الكفاءة ديالو فوسط التيران فهاد الاولمبياد هو ومواهب أخرى بحال أسامة تارغالين.
ونشيرو هنا أن ريتشاردسون عندو عقد مع نادي ريمس حتى يونيو 2027، ولكن إذا بقا على نفس المستوى خصوصا ضد إسبانيا فدومي فينال، غادي توتنهام طير بيه.
