الثلاثاء 6 غشت 2019 الساعة 08:30



أنا و "اليوتيب". كيف كينطقها كافر مغربي فدور النبي محمد صلعم




موحى البوهالي

 

بديت نتفرج فاليوتوب من2003 فبداية adsl كنت نتفرج فالموسيقى بالخصوص يعني عاودت اتصنت لكلشي الموسيقى العالمية المتوفرة اللي كيعجبوني بحال الجابون والشينوا وشوي من لاؤوص والنيبال ..كنكره كل ما ينتج فبوليود من بكري كنعتبر الافلام الهندية صناعة متخلفة كالمصرية كنا انتفرجوا فالسينما الفرنسية والامريكية من فانطوماس جيمس بوند افلام الكوبوي ومن بعدها الويستيرن كلينت ايستوود وفالاخير ترينيتا افلام السباكيتي الايطالية ..ما علانا فاليوتوب ابحثث بالخصوص على الموسيقى الغربية اللي كنت نسمعها في فترة الشباب ..! ومن 2010 بديث نتفرج فالافلام الوثائقية على حسب المواضيع اللي كتعجبني كل فترة سواء فلك او رياضيات او صناعات او طبيعة او تاريخ الدول والامبراطويات والحروب والملوك وتطور الحضارة والانسان والعالم ..بالطبع جوجل earth موجود باش تشوف اي قرية او اي مذينة دزتي منها او تشوف بالتفاصيل اي مكان فالعالم ..بل النسخة ديالو جوجل سكاي تقدر تبحر في المجرة كلها بثلاثة ابعاد وتشوف مواقع النجوم بدقة ...سبحان الله او سبحان جوجل الذي يعرف كل شيء ...


شفنا الرحالة الكبار فالبر والبحر من ماركو بولو لكريستوف كولومب لفاسكو دي غاما وكيفاش ابدا استكشاف تم ستعمار العالم الجديد وكيف انتهى اليوم كما نشاهده سنة بسنة منذ 1492..وشفنا حروب اوروبا الصليبية و العثمانية و الروسية والفرنسية والانجليزية والالمانية وكيف تاسست الامبراطوريات والمماليك في جميع انحاء العالم منذ ظهور انسان ايغود فوق الارض في قبيلة احمر  واستيطانه افريقيا وانتشاره في القارات الى يومنا هذا ..


من بين المواضيع اللي شهدناها فاليوتوب بغزارة باش تكون عندنا فكرة هو السحر واتفرجنا فالسحر الاسود الفودو فالبنين وهايتي ..وكذلك السحر العصري الحديث مع اكبر السحرة في العالم العجيب والغريب في  امرهم ان نفس الالعاب السحرية التي يقوم بها السحرة الكبار سواء من اوروبا او امريكا او الصين او اسرائيل تتشابه يستطيعون كلهم ادخال هاتف في زجاجة ..ويستطيعون كذلك اذخال خاتم وسط بيضة والبيضة وسط ليمونة والليمونة وسط بطيخة ..قد تتغير الفاكهة ولكن نفس اللعبة كانهم تعلموا من نفس المعلم ..اما سحر الفودو فقد وصل منه للمغرب عبر الصحراء الكثير ..وتناقله احبار اليهود فيما بينهم ..وهو يركز بالاساس على جلب المال والحبيب وفيه مئارب اخرى شريرة ..الله احفظنا واحفظكم ..اما الرقية الشرعية فهي مجرد نصب واحتيال ...


بالطبع شاهدنا ما يكفي في موضوع الرياضيات وتاريخها والكيمياء واسسها ..كتطلب تركيز اكثر ودراسة عميقة للمواضيع بل حتى تمارين كتابية موازية ..ميدان الرياضيات ملموس جدا ..كالاعلاميات ..كتصحح لراسك واتعرف على اغلاطك لراسك بدون معلم كلشي قدامك ...


كيبقى عالم السياسة ماشي مهم لانه متغير ..واليوتوب العربي تافه من هاد الجهة من غير RT arabic القناة الروسية الجديدة هي اللي عندها محتوى مزيان ..اما اي قناة او محتوى منتوج فمصر او كيتكلم بالمصرية كيصلح اترمى فالزبل قمة العبث والتفاهة اكثر من افلام بوليوود ..خاصك تقرا اخبارهم فمواقع بعيدة عليهم ..مصر اليوم فالعالم كتعتبر هي مملكة UBU او قراقوش او حتى الحاكم بامر الله ..مصر دولة وشعب عايش في عالم موازي ..ما عايشينش ف 2019 .. اصبح اغبى شعب في العالم ...


المهم اللي بغيت نقولوا كامل من هاذ المقدمة الطويلة هو انني منذ 3 سنين صبحات عندي الويفي ووليت كنتفرج اكثر فاليوتوب عشرات الفيديوات فاليوم ..في شتى المواضيع ..مثلا التقدم الصناعي فالصين باش نعرف الفرق مع الكوريات بجوج وكيفاش وصلوا وفين وصلوا والمقارنة مع الهند والمانيا وروسيا وامريكا واسرائيل وانجلترا ..


ولكن من بين الحوايج اللي تبعتهم فالاخير هما الفلوغ المغامرات ديال المغاربة الحراكين في انحاء العالم ومن بعد تبعنا المشاكل الاجتماعية ديال البلاد وتطورها خلال السنوات الماضية لانه كلشي محفوظ فاليوتوب بالتاريخ ..ما كنتش نعرف علال القادوس بزاف اقبل ما اتلاقا بيه بلال اكاد فطنجة وفكر استعملوا بحال ما كان سيمو ظاهر مستعمل نيبا كمهرج اطلع بيه القناة ..ولكن بالرجوع للفيديوات ديال السنوات الماضية كتعرف على تاريخ علال القادوس من اوله الى اخره وتعرف جوانب كثيرة من الشخصية ديالو ..وداكشي اللي اوقع لنا مع عادل الميلودي واللي شاركات فيه شوف تيفي بامداد المشاهدين بفيدويات عن الاطراف المعنية والقصة كلها  ..وبداية المشكل وشهادة المعارف والجيران فالمذينة والدوار وكذلك تذخلات الاخرين اللي مضاربين مع عادل الميلودي لانه منذ سنوات وهو فحرب دائمة فاليوتوب مع اعدائه لدرجة انها صبحات موضة وكيفتاعلوا المضاربات والمخاريات بيناتهم وخاصة الشيخات دنيا باطمة مع سعيدة شرف والتافهين بحال سيمو بلبشير مول التخربيقة ديال هوليود العكر على الخنونة كيف كيقولوا وغيرهم كثير ..كاين الصنف اللي كيجبدوه واكتافي بفيديو واغبر وكاين اصحاب القنوات اللي كيطلعهم باي فضيحة بانت اطرقوا ليها ...


ورغم كل شيء فيكفي فترة قصيرة باش تفهم اللعيبة فالجعيبة وتعرف بان هاذ التافهين غير كيخربقوا واتبعد على القناة ديالهم وكتنهي القصة ديالهم لانهم ما غادين ازيدوا ما انقصوا ...


والاهم من هاذ المقال كلشي انني حتى طفت على اليوتوب كامل وتفرجت فكلشي عاد بقا عندي الوقت باش نرجع نتبع عادل الميلودي وعلال القادوس واكشوان اكنوان والشيخة دنيا باطمة باش نعرف اش واقع عندهم ساعة ما كاين والو .

 






حركة. "تمرد المغربية" حتى لا نكون مجرد تقليد






" يمنع منعا كليا نشر تعليقات السب والقذف وكل العبارات النابية "


* كاتب التعليق
* عنوان التعليق
* التعليق