الإثنين 1 أبريل 2019 الساعة 09:10



الجمهوريون



ديريكت

 

موحا البوهالي

البارح اتفرجت فالجمهوريين فيوتوب شي صديق صيفط لي شي فيديو ديال بلقزيز مضارب مع شي جمهوريين اخرين واحد طارق شيحاجة من ماريكان شابع غبرة وسكران وكيسب بحال عزوز قاليك اصيفطو ليه الفلوس فبال باي باش يعين محامين كبار ادعيووا المغرب للامم المتحدة ..وجاء واحد اخر خوانجي تالف من كندا العدراوي داير فيها سيدي محمد الفاهم كيحلل وانظر وانصح حتى هو ..وبلقزيز كيضحك عليهم بجوج ..واخرج ليهم قمامة من الجنب اضحك عليهم كاملين قاليهم يااولاد الاق.. راه المغرب دولة ونظام قائم منذ قرون .. وانت جاي ما تكساب ما تعلام داير قناة يوتوب باش تصور جوج فرنك وباغي تدير ثورة وترجعو جمهورية بالشفوي  ..بحال شي مساخيط الوالدين ففرنسا .. الصداع والهرج والمرج بلا فائدة ..


بغيتي اتغير البلاد سير تخدم بحال الشينوا ودير شي حاجة اللي فيها نفع ليك وللناس اللي دايرين بيك ؟ ما عارف ما تدير سير تقرا باش اتعلم ... او غير اسكت وسد فمك واتواضع واعتارف انك هازك الماء وضاربك الضو ودايزة عليك الدكاكة .. وتوجه لله اللي كتعتابروا كيدير كلشي وكتسناه اصب الشتاء ،، وانت كالمغفل بجوج ودنين ديال حمار جاي اتصلي صلاة الاستسقاء ..صلي صلاة العلم حتى هي باش انزل عليك شي معادلة بحال انشتاين وتصنع صاروخ او مركبة فضائية واسلحة فتاكة او اعطيك شي جيش ديال طيرا ابابيل وسير ديك الساعة ترمي الشينوا والكفار في جميع اقطار الدنيا بحجارة من سجيل حتى اوليووا كاملين كعصف ماكول ..وما ابقا غير اتسنى المهدي المنتظر ايجي على عودو واديكم كاملين للجنة ..


ويلي ويلي ..شحال قدك من استغفر الله البايت بلا عشاء خلاوها اللوالا ..

ونوض تخدم وقاد خدمتك هي الاولى واثقنها باش تصلح البلاد واتعلم تحترم اخوتك عاد جي تهدر  وتدير الحلقات بحال بنكيران ونبيلة منيب وغيرهم وتطلع على ظهور المروك وتدير لباس من السياسة شرعيا وبالقانون..

 






فضح الفضائح

التنقاز

خطاب الجهل

هنيئا للشعب الجزائري

التحدي الأمني

الحراك والمحركون






" يمنع منعا كليا نشر تعليقات السب والقذف وكل العبارات النابية "


* كاتب التعليق
* عنوان التعليق
* التعليق