سيدنا الله ينصرو قدم لينا مثال راسخ على التضامن والتضحية

تكتب نهار 18 مارس، 2020 مع 15:11 سياسة تابعونا على Scoop

ديما سيدنا الله ينصرو هو الأول كيقدم النموذج الراسخ على التضامن والتضحية. فهو قائد ديال المغاربة كاملين اللي معروفين بأنهم من اللي كتكون المحنة والشدة ومكيبقاش الفرق بيناتهم وكيوقفو وقفة رجل واحد.

سيدنا الله ينصرو قدم لينا المثال وتبرع بـ200 مليار من هولدينغ “مدى” لفائدة الصندوق اللي عطا الأمر باش ينطلق باش نواجهو فيروس كورونا، هاذ المبلغ بغا سيدنا يعطي به المثال والنموذج باش كلشي الأغنياء ديال المغرب ينوضو يتبرعو بطرف من أموالهم، وحتى اللي عندهم قليل يتبرعو منهم لأنو كاين الناس مساكن دابا ما غادي يبقى عندهم والو.

سيدنا اللي حريص على كل أبناء الوطن دار هاذ التبرع باش يكون حافز للآخرين لأن الآثار والتداعيات ديال الإجراءات، اللي تم اتخاذها، خاص مواجهتها مثلما نواجهو كورونا نفسو.