يتوبوز مغربية عندها اكثر من مليون متابع ، كما باقي المغربيات دايرة قناة ديال الوصفات و ها شنو شريت اليوم و كدخل منها الصرف من شركات الإشهار ديال البرودويات و عمليات التجميل .
مشات لكوريا الجنوبية ضبرت على اشهار فيه الصرف بزايد ، واحد المصحة كدير الطب البديل، ديال تقويم العمود الفقري .
إيه تا العمود الفقري ماقالوهش من التجميل ، سالاو الجسم كامل و دازو لعظم .
في إطار حاجة فابور …
تافقو على ثمن الإشهار و طبعا التقويم غيكون فابور .
بعد الحصة لقات نص وجها تشلل بسب خطأ طبي في العمود الفقري لي تقاس ، مابقاتش تنعس بسب الالم الحاد فالظهر.
بدات تبكي و تطالب المغاربة للتضامن معها و السلطات تدخل لان فاش شرحت للمشكل للناس المصحة رفعت عليها دعوة قضائية بتهمة التشهير ، فرگعو ليها ظهرها و غتمشي للحبس.
حياتها ضاعت بسب البحث عن المثالية و رفع مستوى جمالها و هادشي هو هدف أي امراة و خصوصاً المغربيات لي ولاو يثأثرو بهاد اليوتيوبز او مايسمين نفسهن ب”مؤثرات”
ماخليتو بوتوكس ماخليتو وصفات تكبير المؤخرة ، ها تكبير الصدر ها تقويم الانف باش تبانو زوينات ، السم لا قالو ليهم راه كيكبر شي حاجة يشربوه .