تعرف التشكيلة المثالية ديال الجولة 2 من كأس العالم قطر 2022، وهي الجولة اللي سالات البارح وكان لعب فيها المغرب ضد بلجيكا، حضور مغربي.
الاتحاد الدولي لكرة القدم اختار الكابيتان ديال المنتخب الوطني المغربي غانم سايس ضمن أحسن لعاب فالجولة الثانية من مونديال 2022، وكيقود دفاع التشكيلة اللي فيها أحسن 11 لعاب فهاد الجولة.
غانم سايس قدم ماتش كبير ضد منتخب بلجيكا، وساهم فالفوز ديال ليكيب ناسيونال دفاعيا وهجوميا، وحتى الهدف الأول اللي ماركا المنتخب على البلجيكيين ساهم فيه، حيت موه الحارس كورتوا لدرجة أن الفيفا حسبت البيت فسميتو ماشي للعبد الحميد الصابيري.