الاتفاقية اللي شرف عليها سيدنا غادي تطور العالم القروي

تكتب نهار 31 يناير، 2020 مع 22:31 اقتصاد تابعونا على Scoop

الاتفاقية اللي شرف عليها سيدنا اليوم غادي تقوم بتطوير العالم القروي بشكل كبير، وكتعلق هاذ الاتفاقية، اللي ترأسها جلالة الملك اليوم بالقصر الملكي بالرباط، تتعلقان بمساهمة صندوق الحسن الثاني للتنمية الاقتصادية والاجتماعية في “البرنامج المندمج لدعم وتمويل المقاولات”، بغلاف مالي يبلغ 2 مليار درهم، بصفر في المائة كنسبة فائدة.

هاذ المساهمة كتعني باللي كلشي الصناديق اللي مهمة فالبلاد خاصها تساهم في تنمية الاقتصاد الوطني، لأن الحاجة اليوم ماسة باش الجميع يساهمو في هاذ المشروع الملكي الكبير.

هاذ الاتفاقية كتعني بأن صندوق الحسن الثاني للتنمية الاقتصادية والاجتماعية مهتم باش يشارك في استكمال التمويل الخاص بدعم وتمويل المقاولات خصوصا في العالم القروي. القيمة اللي ساهم بها الصندوق هي ربع المبلغ المخصص للتمويل.

الاتفاقية كتجسد بالملموس الاهتمام ديال سيدنا الله ينصرو بخصوص هاذ المشروع، اللي سبق أن أعلن عنه في افتتاح الدورة البرلمانية، اهتمام كبير باش يتقدم المغرب ويولي بلاد ديال الإنتاج وإنتاج الثروة.