خالد الشرادي
صحفية كتبات أن الداخلة فيها قصاير فالفيلات وأن الناس تفضل السهر فأماكن خاصة حيت مكاينش بلايص النشاط والدرديك بحال لي كاين فمدن أخرى وأن الكرابة كينشطو بالليل والمخدرات متوفرة وداكشي لاخووور .. ناضو عوتاني كيقولو ليها إن المرأة الصحراوية هي أشرف وأعظم من أن تسهر في الفيلات وان الشاي الصحراوي أطهر من ديتوووول وأن الجمل في بوجدور يقرأ القرآن ….
شنو علاقة المرأة الصحراوية والرجل الصحراوي وقبائل الصحراء والرمال والقوافل وأتاي سلطان بالموضوع … الناس تضرب الويسكي في كل مكان من العالم والدعارة الراقية والإنحلال كاينين حتى فالحرم المكي ..و الشباب المغاربة اكتشفو مذاق الكوكا ومفعول الاكستازي وحرارة التشوبيتوس ديال التيكيلا …سواء كانو جايين من الصحراء ولا من أولمبيك آسفى ولا من الحرم الابراهيمي … الإنحلال وارسال النوووودز فالواتساب يحدث في كل انحاء المملكة … والانسان الصحراوي تا هو بنادم بحال جميع الأحياء البحرية لي عايشة معانا مستحيل ميضربش وميشربش البلاك ويسب والدين جد بو “الرباط ” ولي عندو أو عندها الامكانيات راه كيستعمل السلعة المزيانة ويتذوق السهرات الأنيقة سواء كانت فالداخلة أم في كوباكابانا .. فيما المواطن الحازق يدخن الأعشاب القاتلة ويتكمى بالفريااا … ويتابع أخبار مقابلة الاياب ضد الحسنية !!!!
داك التبوحيط ديال اهانة المرأة الصحراوية ، لن يغير الحقيقة ديال أن هاد البلاد منحلة جدا.. وكلشي ديال حمزة مون بيبي وعيشة عياااش .. غير هو الانحلال فيها يختلف حسب المناطق والإديولوجيات فقط الفرق انه كاين لي كيشرب فالبار ويخرج ممتشق القامة هو وصاحبتو دون ان يعبق بصطافيطات الحموشي !!! .. وكاين لي كيتخبع فالشقق والفيلات حيت الرفيقات لي كيجيو عندو هن لحسن الحظ من المحسوبات على تيار الاصلاح والتوحيد داخل المؤتمر الوطني الخامس للحزب ..!!
صحراوي أم كندي أم من العالم القروي أنت مضطر أن تلجأ الى الكراب بعد الطانشة أاوستاذ !!!!
