البوليس الاسباني شدو رجل أعمال مغربي بسباب استغلال حراگة خدامين عندو فمصنع لإعادة تدوير الحوايج.
وحسب تقارير اخبارية، فإن هاذ الحراگة من المغرب وكان كيخدمهم السيمانة كاملة بـ 150 يورو بلا كونطرا أو تأمين وعايشين داخل المعمل فظروف لا إنسانية.
المتهم كان ديما كيقدم وعود ليهم بتحسين الوضعية وتحرير عقود عمل لفائدتهم وفالاخير واحد من الضحايا طلع ليه الدم ومشا ديكلارا بيه للبوليس، بعد فراره من المعمل وتلقيه تهديدات بإبلاغ السلطات بوضعيته غير القانونية فوق التراب الاسباني باش يترحل للمغرب.
