مصالح الأمن الاسباني تمكنات من توقيف حراگ مغربي كان غادي يعرض راسو للموت بسباب المحاولة ديالو للوصول لميناء الخزيرات عبر الاختباء بمحرك عبارة عالية السرعة.
الحراگ لقاوه لابس بذلة ديال الغوص باش يحمي راسو من انخفاض درجة الحرارة داخل البحر.
هاذ الحراگ كان عندو الزهر بعد ما رد ليه البال بوليسي قبل ما تخدم محركات العبارة ويمشي فيها.
هاذ الواقعة طرات الأحد الفايت خلال رحلة كتربط بين مينائي سبتة والجزيرة الخضراء، بعد مراقبة عدد من القاصرين والبالغين بمحيط الميناء ومحاولتهم استغلال الفرصة للحريگ إلى شبه الجزيرة الإيبيرية.