- Advertisement -

- Advertisement -

انتقادات لموقع “So foot” الفرنسي بعد ما دار تعليق سيء على حكيمي والمغاربة

الموقع الفرنسي “So Foot”، دار تعليق مستفز وعنصري وماعندو معنى فحق المغاربة من خلال الدولي المغربي أشرف حكيمي لاعب باريس سان جيرمان ، وهادشي بعدما ربح الفريق الفرنسي بصعوبة يوم الثلاثاء ضد لايبزيگ الألماني، فالجولة الثالثة من دور مجموعات دوري أبطال أوروبا.

الموقع الفرنسي علق على اللعب ديال حكيمي فالماتش، وكتب “فاش مكيسمموش الماكلة ديال خصومهم، المغاربة كيكونو أقل إثارة للإعجاب”.

وعطى الموقع 4 نقاط لحكيمي، وجاب 4،6، فاستفتاء داروه لمتابعي “So Foot”.

- Advertisement -

ومن بعد هاد التعليق المتهور، تعرض الموقع لبزاف ديال الانتقادات، حتى اظطر انه يبدل داكشي اللي كتب ويعطي تفسير لهاد الغباء.

وف التعليق الجديد كتب “So Foot”: بدلنا النص الاصلي ديال اشرف حكيمي، حيت المضمون ديالو تفهم غلط، ماعمرنا مابغينا نجرحو ولا نسيؤو لشي واحد، هادشي ضد مبادئنا.

 

اترك رد

لن يتم نشر عنوان بريدك الإلكتروني.