البريكول اللي كانوا معولين عليه “التريتورات”، اللي ولفوا السقوط قدام البرلمان خرج خاوي..فولد لكرية دار واحد الفيديو ضرب ليهم كلشي فالزيرو، قال ليهم راه هدراتكم غير خاوية وأنا ما قصدتش داكشي اللي قلتو..
ولد لكرية قال ليهم شعار الله الوطن الملك هو اللي كاين، مهما يكون توجهك وفهمك للحقوق والحريات..وقال ليهم راه أغنية عاش الشعب تعني عاش الملك لأن الشعب والملك حاجة وحدة..
مساخيط ديال النضال والبحث على الفلوس فالخارج بغاوا يقولوا شي حاجة من ورا هاذ الشي، لكن المعني بالأمر قال ليهم أنا ما قلتش هاذ الكلام، وأني ماشي مسخوط بحالكم وماشي ضد المؤسسات والنظام، وقال ليهم باللي راه وطني..
ولد لكرية فضحهم، وقال ليهم هاذ الأغنية بينات مزيان الخونة والانتهازيين واللي باغين يشريوها لبلاد واللي مستعدين يبيعوها في أي وقت، وبينوا على أنيابهم.
ولد لكرية طلع ذكي وضربهم غير ضربة أوجعتهم، حيث قال ليهم ماشي ساهل تفهم كلامي، انت قلت حاجة وأنتم فهمتو حاجة وبغيتو تقولو الغلط شغلكم هذاك ما تاكلوش الشوك بفمي.
