علماء بينو كيفاش تقدر “كورونا” تقلل مستوى الذكاء عند بنادم بشكل خايب

تكتب نهار 27 يوليو، 2021 مع 12:09 غير مصنف تابعونا على Scoop

 

اكتشفوا علماء فلندن وجامعة كامبريدج انخفاض كبير فمستوى الذكاء عند المتعافين من فيروس كورونا.

وتنشرات نتائج البحث بهذ الخصوص فمجلة “ذا لانسيت” (The Lancet) العلمية المعروفة، وشملات التجربة 81 ألف و337 شخص، منهم 12 ألف و689 عاناو من مضاعفات الإصابة بفيروس كورونا بدرجات متفاوتة الخطورة.

هذ الاختبار كان متعلق بمهام لقياس جوانب القدرة المعرفية، وبينات نتيجتو أن معظم المتعافين من فيروس كورونا، وحتى اللي جاتهم الأعراض بشكل خفيف، كيعانيو من مشاكل فإكمال المهام اللي تعطات ليهم، بعكس اللي عمرهم تقاسو بالفيروس.

وكايلقاو اللي فاتت فيهم “كورونا” صعوبات فحل المشكلات اللي كاتتطلب الجدال ومهارات التخطيط، بالإضافة لمشاكل فالتركيز واختيار الكلمات بالنسبة اللي بقات فيهم لمدة طويلة، كيف أن الضعف الإدراكي ارتبط بحدة المرض.

وأكبر الصعوبات تم الكشف عليها بالنسبة للناس اللي كانوا فحاجة لتوصيل بجهاز التنفس الصناعي، بحيث انخفض معدل ذكاءهم ب7 نقط.