صادق المجلس الحكوم يوم امس على واحد المشروع مرسوم فشكل متعلق بإحداث الوكالة الوطنية للسجلات ، هاد المؤسسة العمومية غادي تكون عندها أكبر قاعدة بيانات database فالمغرب، جامعين فيها المعطيات ديال كاع سكان المغرب وحتى المقيمين …شحال فعمرك.. شحال كاتخلص… فين ساكن…شحال كتصرف..شحال كتستهلك…باش مريض.. شمن دوا كتاخد…وكمل من راسك.
هادشي كامل غادي يجمعوه بطريقة إلكترونية رقمية…الذكاء الاصطناعي..بحال النمودج التايواني.. يعني وداعا لقوة الأوراق والتعاملات البيروقراطية.. هادشي غادي يتحط فقاعدة بيانات “السجل الوطني للسكان” وغادي تبقا تتجدد بشكل دوري.. يعني إلى زادوك درهم فالصالير غادي تطلع عندهم يعرفوها كون هاني.
الهدف من هادشي كامل هو التحديد الدقيق للأشخاص لي كايستافدو من برامج الدعم الاجتماعي.. بحال الدعم فالبوطا.. السكر.. و ما إلى ذلك.. ونيت للقطيعة مع التخلويض… باش يحددو الفئة الهشة والمحدودة الدخل لي خاصها تستافد… ويورقو الانتهازيين صحاب بوكو حبة لي ماشي من حقهم يستافدو من برامج الدعم.
عن أندروميدا
