تلقت عناصر الدرك الملكي بالصخيرات البارح الاربعاء معلومات عن العثور على مسدس وظيفي بحي الفتح.
هاذ الفردي من عيار 9 ملم واللي لقاوه دراري صغار كانو تيلعبو حدا بركاسة ديال الزبل.
منظر المسدس اللي كيبان حقيقي فاجأ أحد المواطنين اللي سول الدراري فين لقاوه، وهو يتصل بالجدرامية اللي جاو بسرعة وبداو ابحاثهم الميدانية بتنسيق مع عناصر فرقة علمية تابعة ليهم حجزات الفردي اللي غادي يتعرض على الخبرة التقنية بمختبر الأبحاث العلمية للدرك الملكي. في الوقت اللي أمرات فيه النيابة العامة بفتح بحث قضائي لتحديد ظروف وملابسات الحادثة.
