هادي لي كتشوف قدامك ف الصورة .. كورة ميكازا اوريجينال، كانت ف وقتنا حلم صعيب يتحقق .. كانت غاليا فديك لوقت دايرة ب 350 درهم باش كتباع و ما أدراك ما هاذ الثمن ف داك لوقت.
كنا صغار مستحيل نشريوها .. و لكبار د الحي كانو كيتفارضو 10 تل 11 باش يشريوها .. و هذاك لي كتكونو دايرين فيه الثقة هو لي كتبات عندو.
كنا باقين صغار كنريحو حدا التيران نتفرجو فالديربي لي كيكون بين الأحياء كتشعل ديال بصح و كتنوض الحرب و القتالية .. كنتمناو غير كورة ايمتا تخرج باش نمشيو نتلاحو نجونغليو بيها لأول مرة و كتشدك واحد السعادة لا توصف ملي كيدخلوك تلعب معاهم لأول مرة و باش ؟ بالمحبوبة ميكازا و ما ادراك ما ميكازا.
