- Advertisement -

- Advertisement -

- Advertisement -

شكون هاد العامل لي منوض فوضى في الفقيه بنصالح

من نهار جا محمد قرناشي  عامل لإقليم الفقيه بن صالح و هو ساد عليه في مقر العمالة . ما عمرو تسوق لكل ما كيوقع  فالمدينة  من كوارث مثال ساحة الأميرة  للا  أمينة  اللي حولوها  الفراشة لمزبلة  كل عشية  زيد استغلال الملك العمومي من طرف مقاهي شارع الحسن الثاني  وزيد وزيد.

أول “مشروع ” فكر فيه سعادة العامل ولد الشاوية بالتعاون مع حديدان هو يشرد أرامل عناصر القوات المساعدة والمتقاعدين ، ووجد الخطة مزيان ..هدم سور دار الباشا، ورفع دعوى لافراغ 3 ديال الفيلات. ديال المقاوم أحمد مشهوري  والمرحوم  جلول الشافعي و المرحوم القادري…وخا  ما عندوش الحق يرفع الدعاوى..جوج اللي من حقهم وزير الداخلية ورئيس الحكومة .

المحكمة الابتدائية ديال الفقيه بن صالح رفضت الدعوى ، لكن قرناشي رفع دعوى ثانية في نفس الموضوع  ودوزها  بالتهديد..والاطراف دارت إستئناف. سعادة العامل زرب  وهو يهدم منزل المقاوم أحمد مشهوري  في النصاصة ديال الليل من بعد ما خرجو العساس بالتهديد.

- Advertisement -

الناس ديال الفقيه بن صالح ما قبلوش  هاذ الهدم الجائر وبدريعة كتضحك” دار آيلة  للسقوط”..واش الدار اللي محنات  الطراكس  آيلة  للسقوط.

أختار قرناشي هو وحديدان  اللي وقع معاه قرار الهدم  عشية ذكرى المسيرة الخضراء باش يقول لأسر القوات المساعدة راه انا هو ربكم الأعلى  كما قال فرعون.

أسرة مشهوري  وأسر المخازنية وسكان الفقيه بن صالح ما مفاكينش وقرروا غدا السبت وقفة حضارية سلمية في الدار المهدومة  تحت شعار :الله الوطن الملك .

العامل تزيرات  عندو الوقت اجتمع بجمعية أسر متقاعدي القوات المساعدة .،حاول يربح الوقت ثم قلبها تهديد  لكن ما صور منهم غير الضص.

القضية تحولات لقضية رأي عام وطني، لأن موراها  مافيا العقار اللي ناوية  تسمسر  مع المجمع الشريف للفوسفاط ..ومن بعد سيدي قاسم  ديال الحصيصة.

 

انتظروا الجديد

اترك رد

لن يتم نشر عنوان بريدك الإلكتروني.