- Advertisement -

- Advertisement -

- Advertisement -

اطلقوا سراح فلان او فرتلان…شعارات فاضية ونوع من التقلاز  تحت الجلابية

موحا البوهالي

..اطلقوا سراح بوعشرين ..اطلقوا سراح الزفزافي ..الحرية للمهداوي اطلقوا سراح هاجر الريسوني الحرية لسليمان الريسوني ..اطلقوا سراح عمر الراضي ..الحرية للمرتضى اعمراشا …

هاذ النوع من الشعارات فاضية كما يقول المصري لانها موجهة للمجهول …نوع من التقلاز من تحت الجلابية هه..

- Advertisement -

او نوع من دعوة المظلوم .. الدعاء لله افك سراحو …..

لانه كما شاهدنا فكل الحالات ان اللي شدوه حي وجبدوا ليه الضواصا ديالو كتدوزو النيابة العامة للمحكمة اللي كتحكم عليه وتدفعوا لادارة السجون …

هاذ الشعارات كيستعملوهم المتطفلين بحال مايسة والبلغيتي وامثالهم باش اديروا بها جعجعة بدون طحين والتبوحيط   باش اجمعوا الاصوات ديال الضالين والمكذبين اللي بغاووا يوحدوا اليسار مع بولحية على قضية وحدة … زعما كيمارسوا النضال من اجل حقوق الانسان وكيخرجوا الخبراء زيان والهيني افسروا لنا القانون فشوف تيفي واش قرر المشرع فحالة او في اخرى … وعلاش قانونيا دنيا باطمة باقة فسراح فقضية حمزة مون بيبي ..

بكري فعهد البصري اشدوهم هو ومول الحانوت اللي باع ليه ستيلو واغبروهم بجوج فلاكابات والعصا كانت الشمة بقطيع النيف ..وكان النضال عندو مداق ونكهة خاصة خاصك تناضل فرديا وما تيقش فالضل ديالك ..اليوم كتذخل للكوميسيرية استقبلوك بالترحاب واجيبوا ليك قهوة هالعار غير جاوب على الاسئلة واطلقوك بحال فاوروبا وادفعوا التقرير ديالهم للنيابة العامة وكيل الدولة هو اللي اتاخد القرار باش ادفعهم للمحكمة تقول الكلمة ديالها بحضور طاقم من المحامين  . ..

بالنسبة ليكم اطلقوا سراح اخونا …لمن موجهة اذن ؟  واش بغيتو المؤسسات اسدوا واجمعوا ايديهم ما اخدموش ؟

وشوف تيفي ما تخدمش توصل ليكم الاخبار اسرع من البرق ….

كونوا تحشموا خليووا الناس اخدموا …

 

اترك رد

لن يتم نشر عنوان بريدك الإلكتروني.