مناضلو آخر زمن…وخا يغمل في الحبس والله لاضامن معه شي حد

المناضلون الجدد ديال اليوتوب والفيسبوك … فلوس ادسنس هادو هما أضعف مناضلين على وجه البسيطة… مكاينش لي غادي يخرج للشارع يتضامن معهم… التضامن ديالهم غير تحت المانطة..

بان أنهم هؤلاء مجرد فقاعات … مادام مخبي في دارو وشاعل اللايف وتيدخل لفلوس غادي يقول لي بغا ويزيد يطلع الطوندونس حتى يجيب الربحة…

مناضلو اخر زمن باغيين يديرو التغيير من فلوس غوغل وعلى حساب سب المغاربة وسب مقدساتهم أو اخراج مؤخرات زوجاتهم الى العلن…

المناضل الحقيقي لي محترم وتتقدور الانظمة وتخشاه هو لي قاري، وتيخدم على راسو وتيدير واجباته ومقاد حالتو وصالح للمجتمع… ماشي انت شابع نصب واحتيال وغامل في الفساد وحناكك غلاض بلا خدمة لاردمة ودجي تطلق علينا السلوقية…

هاد صحاب اليوتوب أسهل فريسة لحد الان …لي سخن عليه الراس غادي يمشي لخريزو والله لاهضر عليه شي حد … مشا مول الكاسكيطة يجي واحد اخر .

وخا تعطيهم 50 عام حبس والله لاتفكرهم شي قمقوم… ساهلين في الماكلة ….

اترك رد

لن يتم نشر عنوان بريدك الإلكتروني.